sinulat ni Gil Camporazo
Iloy namon nga bulawanon sg tagipusoon
Sa imo kami naghalin
sa imo pagbatiti kag pag-utitid
kami nagdalagku kag nag-uswag
bangud sa imo nga wala sang katulad
nga pagpalangga.
Iloy namon nga bulawanon sg tagipusoon
sa imo pagbatas kag pag-antus
sang tanan nga gumongtang
sa imo kabuhi nga indi mapahimtang
sg tanan nga mga problema
halos dugo na lang ang imo iluha sa imo mga mata.
