Napulo Ka Datu sa Maragtas sang Panay

Ang iban nga mga katapo sang PAHINA'HILIGAYNON sa Facebook nagbayluhanay panghunahuna parte sa mga datu nga nagikan sa Borneo nga nagpakadto sa Panay, kay halos sa mga kalabanan nga mga tumandok sang Panay ila nalipatan yadtong maragtas sang Panay.

Natandog ini nga hitabo kay suno kay Vens Jr Espolong may isa ka kasimanwa nga pirme lang nagapalagpat sa aton nga mga Ilonggo. May ginpamangkot sya. Kag ini ang iya pamangkot, "Sino ngalan sang datu halin sa Borneo nga naka abot sa Panay?"

Si Rene Labis nagtugda: Ibalik sa panan-awan (refresh)... Sultan Makatunaw - hari nga malademonyo nga pagpalakad sang iya kaharian. 10 ka datu - sekreto nga naglayag ginatawag nga grupo nga "BALANGAY" (sa karon barangay) kag nagdungka malapit sa Antique (San Juaquin).

Nasugata sang ati nga nagapangisda sa "lake" (wala naman iban nga lake, probably sa Tinagong Dagat), kag gindala sa hari sang ati. Ang lugar nga ginhiwatan sang Barter of Panay daw sa Sibagwan (I've read it from an article sang UP History book, nabutang nga ara sa banwa ko nga ginapuy-an. Ang iban wala nagapati nga sa dira nga lugar, kay daw ginhimuan lang istorya).

Si Marikudo kag Maniwantiwan ang lider sang mga ati. may bendisyon ka mga katigulangan nga ibaligya ang kapatagan sa mga Borneans. 7 ang nagpabilin kag nagpuyo sa PANAY, ang tatlo nagpadayun layag pakadto luzon. 2 ang nagpuyo sa Luzon kag ang 1 nagbalik sa Borneo para maibalita ang bag-o nga mga isla.

Suno naman kay Ernie Madalogdog, isa sang mga datu nga nagdungka sa panay amo ang ila lolo.. si datu dumalogdog... ugaling nag puyo sa banwa sang maasin ang iban nga mga anak nila.. gin baylohan sang mga katsila nga madalogdog.. ang iban nag pabilin sa dingle.. gani gapabilin nga dumalogdog.

Gintadtad isa-isa ni Leah Legaspi Dela Rama ang pulo ka datu:

     1. Datu Puti (the leader)
     2. Datu Balensusa
     3. Datu Bangkaya
     4. Datu Dumalugdog
     5. Datu Dumangsil
     6. Datu Dumangsol
     7. Datu Lubay
     8. Datu Panduhinog
     9. Datu Paliburong
   10. Datu Sumakwel

Kag karon kahibalo na kita nga mga Ilonggo kun sandy sin-o sadto ang pulo ka mga datu nga nagikan sa Borneo kag nagdungka sa Panay.