Sa Adlaw sg Mga Manunudlo

Malipayon nga Kaadlawan sa Mga Manunudlo
sinulat ni Gil Camporazo

Isa ka adlaw ang ginhatag sa mga manunudlo
Sa pagpasidungog sa ila sg pagpanudlo
Sa mga bumulutho ila ginpangabudlay nga santo
Sa buwas damlag, kag palaabuton pat-od nga tinutuyo.

Ay nalipay man sila, nasadyahan nga may kaayawan
Bisan malip-ot lang nga tinion ang kalingawan
Sila nag-ambit, nagpasundayag ang tanan
Tubtub linapyot sang ila hinampang.

Ang mga manunudo matuod
Pagbatas, pag-antus wala nagasunggod
Indi mabakal sg pilak kay ini bangod
Sa pag-alagad, sa pagtudlo nga may pat-od.

Ang patudlo isa ka kinaiya
Sg lalaki kag babayi nga tinuga
Gintando sila sg Mahal nga Diwa
Sa pag-alagad bisan diin nga lugar o banwa.

Si Ginoong Hesukristo isa ka masugid nga halimbawa
Sang isa ka Manunudlo nga putli, sa pagtudlo may ginhawa
May kabuhi, may paglaum sa tanan wala gid sg lisa.

Sa inyo, bulahan kamo nga manunudlo
Sang Mahal nga Diyos kamo ginsugo
Sa paglakat, pag-alagad sa pagtudlo
Sa tanan nga tinuga sg mahal nga Ginoo wala ginapasin-o.

Kami tanan nalipay, bug-os ang kalipayan
Sa mga manunudlo ginhalinan
Madinalag-on nga doktor, enhinyero, o elektrisyan
Sa inyo - Malipayon nga kaadlawan.