Dalawidaw

Isa ini ka matahum nga ambahanon sang nagahigugmaanay. Ginasaysay diri ang paghigugma sang duha ka tinuga. Bangud sang himpit nga paghigugmaanay kag didto natawo ang bunga sang paghigugma.



Dalawidaw ikaw kon mag-ambahanon,
Yuhum mo may balani kag binalaybay;
Duhang larawan mo sa dalamgohanon,
Diwata sa bukid kag kataw sa baybay.

Tumandok sa bukid natawo sa payag,
Nayon sa tuburan nga daw handurawan;
Tubig nagatigay sang imo ka-anyag,
Kag nangin salaming hublas mong larawan.


Chorus:

Diwata sa talon, bulak nga ilahas
Sa kapalaran ka daw gapasimpalad,
Alibangbang lamang labing makahas,
Makigsuyop sang kayuyom sinang sipad.

Yadtong kagab-ihon nga punong himaya,
Sa isang payag kita nagsumpa-anay.
Didto ta pinang-gas kag dili malaya,
Putling handumanan sang gugmang panganay.

(Suliton III)